ಕಾಂಕ್ರೀಟ್ ಕಾನನದ ಕೋಗಿಲೆ

ಹಾಡೆಲೆ ಕೋಗಿಲೆ ಕೂಗೆಲೆ ಕೋಗಿಲೆ
ಸುಮಧುರ ಕಂಠದಿ ಕೂಗೆಲೆ ಕೋಗಿಲೆ

ಚೈತ್ರ ಮಾಸ ಬಂದಾಗ
ವಸಂತ ಋತು ಬಂದಾಗ
ಹಾಡುತ್ತಾ ಕೂಗುತ್ತಿದ್ದ ಕೋಗಿಲೆ

ಚಿಗುರೆಲೆಗಳ ನಡುವೆ
ಮರಗಿಡಗಳ ನಡುವೆ
ಹಾಡುತ್ತಾ ಕೂಗುತ್ತಿದ್ದ ಕೋಗಿಲೆ

ಸಂಪಿಗೆ ಮರದ ಮೇಲೆ
ಮಾಮರದ ಕೊಂಬೆ ಮೇಲೆ
ಹಾಡುತ್ತಾ ಕೂಗುತ್ತಿದ್ದ ಕೋಗಿಲೆ

ನೀ ಸುಮಧುರವಾಗಿ ಹಾಡುವೆ
ದಣಿದ ಮನಕೆ ಮುದ ನೀಡುವೆ
ಹಾಡೆಲೆ ಕೂಗೆಲೆ ಕೋಗಿಲೆ

ಕಾಂಕ್ರೀಟ್ ಕಾನನದ ನಡುವೆ
ಅಳಿದುಳಿದ ಮರಗಳ ಮೇಲೆ
ಹಾಡೆಲೆ ಕೂಗೆಲೆ ಕೋಗಿಲೆ

ಮರಗಳು ಉಳಿಯುವುದೆಷ್ಟು ದಿನವೋ
ಮರಗಳ ಜಾಗದಿ ಗಗನಚುಂಬಿ ಬರಲಿವೆಯೋ
ಈಗಲೇ ಹಾಡೆಲೆ ಕೂಗೆಲೆ ಕೋಗಿಲೆ

(2-7-2007)